مالم جبہ میں انٹر نیشنل سنو بورڈنگ کپ، غیر ملکی کھلاڑیوں نے میلہ لوٹ لیا

تفصیلات کے مطابق سیاحتی وادی مالم  جبہ میں انٹرنیشنل سنو بورڈنگ کپ کے  مقابلے اختتام پذیر ہوگئے۔جائنٹ سلالم میل کیٹیگری میں سویٹرزرلینڈ سے تعلق رکھنے والے کھلاڑی ویکٹر راجر نے پہلی پوزیشن حاصل کی، بلجئیم سے تعلق رکھنے والے  جولین ہیری نے دوسرے اور تیسرے پوزیشن پر ہیری نے کامیابی حاصل کی۔

جوائنٹ سلالم فی میل کیٹیگری میں پاکستان کی کھلاڑی فاطمہ ندیم نے پہلی پوزیشن حاصل کی، دوسری پوزیشن سارا ندیم نے دوسرے اور  عائشہ اکمل نے تیسری پوزیشن حاصل کی۔

پیرل جائنٹ سلالم میل کیٹیگری میں مالم جبہ سوات سے تعلق رکھنے والے کھلاڑی رضا اللہ نے پہلی پوزیشن حاصل کی، دوسری پوزیشن افغانستان کے سوریش احمد جبکہ تیسرے پوزیشن پاکستان کے وکیل احمد نے  حاصل کی۔

پیرل جائنٹ سلالم فیمل کیٹیگری میں پاکستان کی سارا ندیم نے پہلی پوزیشن حاصل کی، دوسری پوزیشن فاطمہ ندیم جبکہ عائشہ اکمل نے تیسری حاصل کی۔

پوزیشن حاصل کرنے والے کھلاڑیوں میں سینیٹر فیصل جاوید نے نقد انعامات اور تعریفی سرٹیفکیٹس تقسیم کیے،میل نوجوان کھلاڑیوں میں پوزیشنیں حاصل کرنے والوں میں 1 لاکھ،  75 ہزار اور 50 ہزار نقد کیش تقسیم کی گئی جبکہ فی میل کھلاڑیوں میں 50 ہزار،  30 ہزار اور 20 ہزار روپے نقد کیش تقسیم کی گئی۔

واضح رہے کہ  محکمہ سیاحت خیبر پختونخوا  کے زیرانتظام خیبرپختونخوا کلچر اینڈ ٹورازم اتھارٹی اور سیمسن گروپ آف کمپنی کے باہمی اشتراک سے منعقد ہ پاکستان انٹرنیشنل سنوبورڈنگ کپ میں ملکی و غیر ملکی کھلاڑیوں نے حصہ لیا۔سوات کی حسین وادی مالم جبہ میں منعقد ہونے والے پاکستان انٹرنیشنل سنو بورڈنگ مقابلوں میں مرد و خواتین سمیت یورپ، بیلجیئم،افغانستان اور پاکستان سے 4 خواتین سمیت 44 کھلاڑیوں نے حصہ لیا۔