انگلش پریمیئر لیگ، لیور پول کو مانچسٹر سٹی نے ہرا دیا

تفصیلات کے مطابق انگلش پریمیئر لیگ میں دفاعی چیمپئن لیورپول اور مانچسٹر سٹی کے درمیان مقابلہ ہوا، انگلش پریمیئر لیگ میں دفاعی چیمپئن لیورپول کومانچسٹر سٹی نے چار ایک کے فرق سے ہرا دیا ہے، دونوں ٹیمیں کھیل کے پہلے ہاف میں کوشش کے باوجود گول نہ کر سکیں، میچ کے انچاس ویں منٹ میں مانچسٹر سٹی نے شاندار گول کر کے برتری حاصل کر لی۔

 تریسٹھ ویں منٹ میں لیورپول کی جانب سے محمد صلاح نے گول کر کے میچ برابر کرد یا، کچھ ہی دیر بعد مانچسٹر سٹی نے حریف گول پوسٹ پر کامیاب حملہ کر کے پھر سے برتری حاصل کر لی۔مانچسٹر سٹی نے وقفے وقفے سے مزید دو گولز کیے جبکہ لیورپول کا سکور ایک گول سے آگے نہ بڑھ سکا۔

دوسری طرف   سپینش لیگ میں میسی کی ٹیم بارسلونا نے ریئل بیٹیس کو تین دو سے شکست دے دی، سپر سٹار میسی نے ایک گول داغا ، سپینش لیگ میں بارسلونا اور ریئل بیٹیس میں جوڑ پڑا ، ریئل بیٹیس نے افتتاحی گول اڑتیس ویں منٹ میں سکور کیا، بارسلونا کی طرف سے میسی نے انسٹھ ویں منٹ میں گول کر کے حساب برابر کر دیا، کچھ ہی دیر بعد بارسلونا نے دوسرا گول سکور کر دیا، ریئل بیٹیس نے کم  بیک کیا اور پچھتر ویں منٹ میں گول کر کے میچ پھر سے برابر کرد یا، ستاسی ویں منٹ میں بارسلونا نے تیسرا گول سکور کیا جو فیصلہ کن ثابت ہوا۔