یواے ای او رسعودی عرب ، پاکستان کو قرض کی واپسی موخرکرنے پر آمادہ ، عمران یعقوب خان

جی این این کے پروگرام " ویو پوائنٹ " میں گفتگو کرتے ہوئے سینئر صحافی  و تجزیہ کار عمران یعقوب خان نے کہا کہ  وزیر اعظم کی جب یو اے ای کے ولی عہد سے بات ہوئی  تو اس میں قرض کی ادائیگی موخر کرنے کے حوالے سے بات ہوئی اور انہوں نے ریلیف پر آمادگی بھی ظاہر کی ہے۔ سینئر صحافی  و تجزیہ کار عمران یعقوب خان نے بتایا  کہ وزیر اعظم ہاؤس کے ذرائع کےمطابق دونوں ممالک اس پر راضی ہوجائیں گے اور پاکستان کو ریلیف مل جائے گا۔

بائیڈن۔۔۔عمران خان اور عرب ممالک کے ساتھ تعلقات۔۔ سنیئے عمران یعقوب خان کا تجزیہ @imranyaqubkhan @PTIofficial @pmln_org @MediaCellPPP #ViewPoint #GNN pic.twitter.com/zf74uTPtr5

— GNN (@gnnhdofficial) February 7, 2021

سینئر صحافی عمران یعقوب خان کا پروگرام میں کہنا تھا کہ امریکا نے حوثی باغیوں کے دہشت گرد قرار نہ دینے کا فیصلہ کیا ہے۔محمد بن زید نے ایسی پالیسی بنائی ہے کہ اس میں فائدہ یو اے ای کا ہوا ہے۔جنوبی یمن میں انہوں نے اپنی مرضی کی حکومت بنا لی بلکہ وہاں امریکہ کے ریٹارئرڈ فوجیوں پر مشتمل فورس بھی بنا لی ہے۔وہاں یو اے ای نے اپنا کنٹرول بہتر کر لیا ہے، جبکہ سعودی عرب اس وقت نقصان میں جا رہا ہے۔