ترجمان دفترخارجہ کا اقوام متحدہ کی رپورٹ کا خیر مقدم

تفصیلات کے مطابق  زاہد حفیظ چوہدری نے کہا کہ  رپورٹ پاکستان اور خطے کو ٹی ٹی پی، جماعت الاحرار جیسے دہشت  گرد گروپوں سے  درپیش خطرات کا احاطہ کرتی ہے،یہ دہشت گرد گروپ افغانستان میں موجود ہیں،پاکستان ماضی میں بین الاقوامی برادری کی توجہ ٹی ٹی پی اور اس سے منسلک گروپوں کو دشمن انٹیلیجنس ایجنسیوں کی طرف سے فراہم  کردہ مدد کی طرف دلاچکی ہے۔

ترجمان دفتر خارجہ کا کہنا ہے کہ  اسی سپورٹ کا نتیجہ لشکر جھنگوی سے علیحدہ ہونے والی جماعت الاحراراور دوسرے گروپوں کا گزشتہ سال افغانستان میں ٹی ٹی پی میں شامل ہونا ہے،پاکستان ٹی ٹی پی کی طرف سے سرحد پار سے اس طرف سیکیورٹی فورسز پر حملوں کا معاملہ اٹھاچکا ہے۔

زاہد حفیظ چوہدری نے مزید کہا کہ اقوام متحدہ کی مانیٹرنگ ٹیم نے دشمن ایجنسیوں کی طرف سے پاکستان مخالف عناصر کی افغانستان میں مدد کو ایکسپوز کیا ہے۔پاکستان نے اس امید کا اظہار کیا ہے کہ افغانستان سے ابھرنے والے اس خطرے کو دور کرنے کے لئے بھرپور کوشش کی جائے گی،دہشتگردی کی لعنت کے خلاف عالمی برادری کے ساتھ کھڑے ہیں۔