نجی یونیورسٹی میں ہیلتھ ورکرز کے علاوہ دو عام افراد کو کورونا ویکسین لگائے جانے کا انکشاف

تفصیلات کے مطابق  سائیں کی سرکار میں کورونا ویکسینیشن بھی سیاسی ہوگئی،  محکمہ صحت سندھ سیاسی سفارش پر عام افراد کو کورونا ویکسن دینے لگا۔ محکمہ صحت سندھ نے ہیلتھ کیئر اسٹاف کےعلاوہ عام شہریوں کو کورونا ویکسین لگادی۔

ڈاو یونیورسٹی اوجھا کیمپس میں دو عام افراد کو کورونا ویکسین لگائے جانے کا انکشاف ہوا ہے، دونوں افراد اہم سیاسی شخصیت کے قریبی عزیزہیں، ایس اوپیز کےتحت کورونا ویکسین صرف فرنٹ لائن ہیلتھ ورکرز کو دی جانی ہے۔

  من پسندوں کو کورونا ویکسین دینے کا معاملہ منظر عام پر آنے کےبعد محکمہ صحت کی پھرتیاں شروع، محکمہ صحت سندھ نے کٹ ہیلتھ افسر ایسٹ ڈاکٹرانیلا قریشی کو معطل کردیا اور سینئر افسر فیاض عباسی کی سربراہی میں انکوائری کمیٹی قائم کردی۔ کمیٹی تین روز میں رپورٹ پیش کرےگی۔