مکس مارشل آرٹس مقابلہ:پاکستان کی بھارت کو شکست

سنگا پور میں ون چیمپئن شپ مکسڈ مارشل آرٹس کے مقابلے جاری ہیں جہاں آج ایک انتہائی دلچسپ مقابلہ ہوا جس میں پاکستان نے بھارت کو شکست دے دی۔ پاکستانی فائٹر احمد مجتبی نے بھارتی فائٹر راہول راجو کو ناک آؤٹ کیا۔ پاکستانی فائٹر نے بھارتی فائٹر کو محض56 سیکنڈز میں ہی ناک آؤٹ کردیا۔

پاکستانی فائٹر احمد مجتبی نے آج کی فائٹ مقبوضہ جموں اور کشمیر کے عوام کے نام کرتے ہوئے کہا تھا کہ پاکستان اور بھارت کے درمیان کھیلوں کے مقابلے ہمیشہ سے ہی دلچسپ رہے ہیں۔

ان کامزید  کہنا تھا کہ ان کی محنت رنگ لائی، وہ اسی طرح محنت جاری رکھتے ہوئے آئندہ بھی جیت کر پاکستانی پرچم بلند کریں گے۔