پنجاب ، اسلام آباد میں 37روز بعد سی این جی اسٹیشنز کھل گئے

جی این این کے مطابق پنجاب اور اسلام آباد میں سی این جی اسٹیشنز آج اتوار 24 جنوری کی صبح 6 بجے کھولے گئے، جس میں آج صبح 6 سے شام 6 بجے تک گیس کی سپلائی جاری رہے گی۔سوئی سدرن گیس حکام کا کہنا ہے کہ سی این جی اسٹیشنز کو 12 گھنٹے کيلئے کھولا گیا ہے۔ سی این جی اسٹیشنز کو سپلائی روک کر گھریلو صارفین کو گیس فراہم کی جارہی تھی۔

دوسری جانب کراچی سمیت سندھ بھر کے سی این جی اسٹیشنز کو 6روزہ بندش کے بعد آج بروز اتوار 24 جنوری کو کھول دیا گیا ہے۔

سندھ میں بھی 6 روز بعد سی این جی اسٹیشنز پر گیس کی فراہمی شروع ہو گئی ہے جس کے باعث سی این جی فلنگ اسٹیشنز پر گاڑیوں کی لمبی قطاریں لگ گئی ہیں۔حکام کا کہنا ہے کہ سندھ بھر میں گیس کا شدید بحران جاری ہے، جس کی وجہ سے صوبے بھر میں آج صبح 8 بجے سے سی این جی اسٹیشنز 24 گھنٹے کے لیے کھولے گئے ہیں۔