شادی کی تقریبات میں ایس او پیز کی خلاف ورزی پر انتظامیہ کا ایکشن

جی این این کے مطابق کورونا وبا کے دوران شادی کی اجازت تو مل گئی لیکن عوام اپنی من مانیوں سے باز نہ آئی اور ایس او پیز کی دھجیاں اڑا دیں ، جس پر فیصل آباد کی ضلعی انتظامیہ بھی حرکت میں آگئی ،اسسٹنٹ کمشنر صدر عمر مقبول اور اسسٹنٹ کمشنر سٹی ایوب بخاری نے کورونا ایس او پیز اورشادی ایکٹ کی خلاف ورزی کرنے والے شادی ہالز کے خلاف کارروائی کرتے ہوئے 18 میرج ہالز کے خلاف مقدمات درج کرلیے گئے جبکہ چار میرج ہال سیل کردیے گیے ۔

واضح رہے کہ کورونا کی وبا کو روکنے کے لیے وفاقی وزارت صحت نے ملک بھر کے شادی ہالز کو تقریبات کی مشروط اجازت دے رکھی ہے ۔وزارت صحت کے ہدایت نامے کے مطابق شادی ہالز اور مارکیز میں کرسیوں کے درمیان کم از کم چھ فٹ فاصلے کا فاصلہ رکھنا ہوگا۔ شادی میں شریک افراد کو ماسک اور ہینڈ سنیٹائیزر فراہم کرنے لازمی قرار دے دیا گیا ہے۔

 شادی کی تقریب میں آنے والوں کا درجہ حرارت چیک کرنا بھی لازمی ہوگامحکمہ صحت کے نئے ہدایت نامے کے مطابق شادی ہالز اور مارکیز میں وینٹی لیشن کیلئے کھڑکیاں بنائیں۔ شادی کی تقریب کے شرکا کی زیادہ سے زیادہ تعداد 3 سو اور دورانیہ دو گھنٹے ہی ہوگا۔شادی ہالز اور مارکیز رات 10 بجے بند کرنا ہوں گی۔