وزیر اعظم کا اسلام آباد حادثے کا نوٹس

تفصیلات کے مطابق  وزیر اعظم عمران خان  نے اسلام آباد حادثے  کا نوٹس لے لیا۔وزیر اعظم عمران خان نے کہا کہ وزراء اور دیگر پولیس کے سکواڈز لے کر گھومتے ہیں، مجھے بتایا جائے کس کس کے پاس کتنی سیکیورٹی ہے۔وزیر اعظم نے ہدایت جاری کی کہ  وفاقی وزراء کی اضافی سیکیورٹی واپس لی جائے۔

واضح رہے کہ گزشتہ رات سرینگر ہائی وے ، سیکٹر جی الیون پر حادثہ پیش آیا جہاں  پانچ گاڑیوں کے پرٹوکول نےسگنل توڑتے ہوئے بے گناہ شہریوں کوکچل ڈالا،  لینڈ کروزر کی زد میں موٹر سائیکل ، مہران کار اور ایک سوزوکی وین آئی ۔ حادثے میں 4 افراد جاں بحق اور 2 زخمی ہو گئے ۔ تاہم حسب روایت پولیس تاخیر سے پہنچی جس کی وجہ سے ملزمان موقع سے فرار ہو گئے۔

ایس پی سرفراز ورک کےمطابق قافلے کی مرکزی گاڑی میں نجی ہوٹل کا مالک وقاص خان اور کشمالہ طارق کا بیٹا اذلان بھی سوار تھا۔وقاص خان وفاقی محتسب برائے انسداد ہراسانی کشمالہ طارق کےشوہرہیں۔ جو زخمی حالت میں نجی ہسپتال میں زیرعلاج ہیں۔موقع پر موجود افراد نے گاڑی کے ڈرائیور فیاض کوپولیس کے حوالے کردیا۔

اسلام آباد سری نگر ہائی وےپر ٹریفک حادثے میں جاں بحق افراد کی تعداد 4 ہو گئی،2زخمی ہیں۔ ایس پی سرفرازورک کےمطابق موقع پر موجود افراد نے گاڑی کے ڈرائیور فیاض کو پولیس کے حوالے کیا ، گاڑی کی پچھلی سیٹ پرنجی ہوٹل کامالک وقاص خان  موجودتھا۔وقاص خان  زخمی حالت میں نجی ہسپتال میں زیرعلاج  ہیں۔وقاص خان وفاقی محتسب برائے انسداد ہراسانی کشمالہ طارق کےشوہرہیں۔

دوسری جانب تھانہ رمنا پولیس نے حادثے کا مقدمہ درج کر لیا، مقدمہ واقعہ میں زخمی والے شہری کی مدعیت میں درج کیا گیاایف آئی آر میں کشمالہ طارق کے بیٹے اذلان کو نامزد کیا گیا ہے۔

ایف آئی آر کے مطابق حادثے میں چار دوست جاں بحق ہوگئے، جاں بحق نوجوان مانسہرہ سے اے این ایف کا ٹیسٹ دینے آئے تھے۔ مقدمے میں بتایا گیا کہ سفید رنگ کی جیپ نمبری ڈبلیو وائی 077نے ٹکر ماری، جیپ کی ٹکرسے مہران گاڑی میں سوار4نوجوان جاں بحق، موٹرسائکل سوار زخمی ہوئے۔