نامعلوم افراد نے خاتون سمیت چار معروف ٹک ٹاکرز کوقتل کر دیا

جی این این کے مطابق خونی واردات کراچی کے علاقے  گارڈن انکل سریااسپتال کے قریب ہوئی ۔ جہاں لانڈھی کی رہائشی مسکان شیخ  اپنے دوستوں عامر  ریحان اور صدام کے ساتھ کار میں سوار تھی۔

 پولیس کے مطابق نامعلوم ملزموں نے پہلے کار پر فائرنگ کرکے مسکان کو قتل کیا ۔اس کے ساتھیوں نے کار سے اتر کر بھاگنے کی کوشش کی تو ۔ ملزموں نے انہیں بھی چن چنکر گولیاں ماریں ۔ انہیں زخمی حالت میں سول اسپتال منتقل کیا گیا ۔ تاہم وہ دم توڑگئے ۔

 پولیس کے مطابق مقتولین رات سے ہی ساتھ تھے ۔ مسکان شیخ لانڈھی کی رہائشی تھی   طلاق یافتہ اورایک بچے کی ماں تھی ۔ مقتولہ ٹک ٹاک پرفعال اورمعروف بھی تھی ۔ مرنے سے چند گھنٹے قبل بھی اس نے مقتول عامر کے ساتھ ٹک ٹاک پر دوویڈیوزاپ لوڈ کی تھیں ۔

پولیس ذرائع نے بتایا کہ واردات میں آپسی چپقلش کا پہلو نمایاں ہے ۔ مقتولہ مسکان اورمقتول عامرکا لانڈھی کے ہی رہائشی ایک اور ٹک ٹاکررحمان سے کچھ ماہ قبل جھگڑا ہوا تھا، اس دوران رحمان نے ہوائی فائرنگ بھی کی تھی ۔ ایس ایس پی سٹی سرفراز نوازکے مطابق وقوعے سے نائن ایم ایم پستول کے9 خول ملے ہیں ۔