پتنگ بازی کا خونی کھیل جاری، گلے پر ڈور پھرنے سے نوجوان زخمی

تفصیلات کے مطابق آشیانہ روڈ بنک سٹاپ پر نوجوان ملک نوید موٹر سائیکل پر جا رہا تھا کہ اچانک گلے پر ڈور پھر گئی، متاثرہ نوجوان ملک نوید کو زخمی حالت میں اسپتال منتقل کیا گیا، زخمی نوجوان کو 20 ٹانکیں آئے ہیں اور حالت اب خطرے سے باہر ہے۔

چند روز قبل  بھی لاہور میں  دو مختلف واقعات میں ڈور پھرنے سے بچے سمیت 3 افراد زخمی ہوگئے تھے۔لاہور میں  جنرل ہسپتال کے سامنے دو افراد کو ڈور پھر گئی تھی جس میں 8 سالہ بچہ بھی شامل تھا  جسے طبعی امداد کیلئے چلڈرن ہسپتال منتقل کردیا گیا تھا، جبکہ دوسرے واقعہ میں 21سالہ نوجوان کو یادگار فلائی اور کے پاس ڈور پھری  تھی، ریسکیو ذرائع کے مطابق  ڈور چہرے اور ہاتھ کی انگلیوں پر پھری تھی۔ صوبائی دارالحکومت لاہور میں چار روز میں دو بچوں سمیت چار افراد ڈور پھرنے سے زخمی ہوچکے ہیں۔