بختاور بھٹو کی شادی کا دعوت نامہ نہیں ملا، مولانا فضل الرحمان

تفصیلات کے مطابق پاکستان ڈیموکریٹک موومنٹ (پی ڈی ایم ) کے سربراہ مولانا فضل الرحمان سے ایک صحافی نے سوال کیا کہ کیا آپ بختاور بھٹو کی شادی میں جا رہے؟  تو مولانا فضل الرحمن  نے جواب دیا کہ  مجھے تو ابھی تک دعوت نامہ ہی نہیں ملا۔

صحافی نے سوال کیا کہ  سنا ہے بڑی بڑی شخصیات کو دعوت نامے بھیجے گئے ہیں؟  تو مولانا فضل الرحمان نے جواب دیا کہ  مجھے نہیں پتہ کہ کس کس کو بلایا۔

واضح رہے کہ سابق صدر آصف علی زرداری کی صاحبزادی بختاور بھٹو کی شادی کی تقریبات کا آغاز دو روز قبل بلاول ہاؤس کراچی میں محفل میلاد سے کیا گیا۔محفل میلاد میں بھٹو اور زرداری خاندان کی خواتین نے شرکت کی جبکہ تقریب میں پیپلز پارٹی کی خواتین ارکان قومی و صوبائی اسمبلی بھی شریک ہوئی تھیں۔

خیال رہے کہ بختاور بھٹو زرداری کی مہندی کی تقریب 27 جنوری کو ہوگی اور 29 جنوری کو نکاح کی تقریب کا انعقاد کیا جائے گا جبکہ بختاور بھٹو  کی بارات کی تقریب 30 جنوری کو ہوگی۔