اداکارہ میرا نے شادی کا اعلان کردیا

پاکستانی فلم انڈسٹری کی معروف اداکارہ میرا اپنےبیانات کی وجہ سے اکثر خبروں کی ذینت بنی رہتی ہیں ،  حال ہی میں انہوں  نےایک ویب شو میں بطور مہمان شرکت کی  جہاں اُنہوں نے میزبان کے مختلف سوالات کے جوابات دیتے ہوئے بڑے انکشافات بھی کرڈالے ۔ ویب شو میں میزبان نے اداکارہ میرا سے اُن کی شادی سے متعلق سوال پوچھا کہ وہ  شادی کب کر رہی ہیں؟ جس پر میرا  نےجواب دیتے ہوئے  میزبا ن کو بتایا کہ وہ رواں سال اکتوبر میں شادی کریں گی تاہم اُنہوں نے یہ نہیں بتایا کہ وہ کس سے شادی کرنے والی ہیں۔

انٹرویو میں میرا نے یہ بھی  بتایا کہ وہ جلد ہی ندیم بیگ کی ایکشن فلم میں جلوہ گر ہوں گی تاہم اداکارہ نے فلم کا نام بتانے سے گریز کیا ۔ اداکارہ میرا نے ویب شو میں گفتگو کے دوران یہ بھی دعویٰ کیا کہ اُنہیں بھارت سے کام کی پیشکش ہوئی تھی لیکن دونوں ممالک کے خراب تعلقات کی وجہ سے وہ پیشکش قبول نہ کرسکیں۔

اداکارہ میرا نے اپنے کیریئر میں تین دہائیوں پر محیط متعدد بلاک بسٹر فلموں میں کام کیا ہے۔ انہوں نے 1995 میں شوبز کی دنیا میں قدم رکھا  اوراب تک وہ متعدد فلموں میں عمدہ پرفارمنس پر کئی ایوارڈز جیت چکی ہیں ۔