چونیاں میں باراتیوں کی گاڑی کو حادثہ، 4 افراد جاں بحق،ایک زخمی

چونیاں میں چھانگا مانگا روڈ پر شادی سے واپسی پر باراتیوں کی گاڑی بے قابو ہو کرالٹ گئی، جس کے نتیجے میں 4 افراد موقع پر ہی جاں بحق اور ایک شدید زخمی ہو گیا۔

تفصیلات کے مطابق عینی شاہدین کا کہنا ہےکہ حادثے میں شامل افراد کا تعلق پتوکی اور لاہور سے ہے۔

ریسکیو 1122 کی ٹیم نے فوری طور پر جائے حادثہ پر پہنچ کر لاشوں اور زخمی کو تحصیل ہیڈکوارٹر ہسپتال منتقل کردیا،زخمی کی حالت نازک بتائی جاتی ہے اور طبی امداد جاری ہے۔

حکام نے حادثے کی وجوہات معلوم کرنے کے لیے تحقیقات شروع کر دی ہیں اور عوام کو ہدایت کی گئی ہے کہ روڈ پر محتاط رہیں تاکہ ایسے حادثات سے بچا جا سکے۔