ملک بھر میں زلزلے کے جھٹکے

زلزلہ پیما مرکز کے مطابق ملک بھر میں زلزلےکے جھٹکے محسوس کیے گئے ہیں اور ریکٹرسکیل پر زلزلے کی شدت 6.4 ریکارڈ کی گئی  ہے۔ زلزلے کا مرکز تاجکستان اور اس کی گہرائی 80 کلومیٹر زیر زمین تھی۔ رات کو 10 بج کر 2 منٹ پر آنے والے شدید زلزلے کے باعث شہری خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے۔

زلزلے کے جھٹکے پشاور، اسلام آباد راولپنڈی، صوابی، گوجرانوالہ،لاہور، مینگورہ، سرگودھا، شاہ کوٹ، فیصل آباد، چارسدہ،جہلم، سکردو، میانوالی، پاکپتن، ڈیرہ اسماعیل خان، گجرات، کلرکہار، نارووال، مظفرآباد، کشمیراور چیچہ وطنی سمیت متعدد شہروں میں محسوس کیے گئے ہیں۔