لیگی رہنما عطااللہ تارڑ کو رہا کر دیا گیا

تفصیلات کے مطابق مسلم لیگ ن کے رہنما اور ڈپٹی جنرل سیکرٹری عطا اللہ تارڑ کو گرفتار کر لیا گیا  تھااور انہیں  گاڑی میں اسلحہ رکھنے کی وجہ سے گرفتار کیا گیا تھا تاہم کچھ دیر بعد ہی پولیس نے لیگی رہنما کو رہا کر دیا ،عطا تارڑ ڈسکہ میں ضمنی الیکشن کی مہم میں مصروف ہیں۔

دوسری جانب مسلم لیگ ن کی ترجمان مریم اورنگزیب نے مسلم لیگ ن کے رہنما اور ڈپٹی جنرل سیکرٹری عطا اللہ تارڑ کی گرفتاری  پر ردعمل دیتے ہوئے کہاتھا کہ عطاء اللہ تارڑر کو تھانہ سٹی وزیرآباد پولیس نے گرفتار کیا، حکومت کی اگر کوئی بات نہیں مانتا تو اسکو گرفتار کرلیا جاتا ہے،عطا تارڑ کو حکومت پنجاب نے اغوا کیا ہے اور گرفتاری کی کوئی وجہ بھی نہیں بتائی، عطاتارڑ کو فورا رہا کیا جائے، عطا تارڑ پر کوئی کیس نہیں تھا اس وجہ سے کورونا ایس او پیز کی خلاف ورزی پر گرفتار کیا،عوام نے اس حکومت کو مسترد کردیا ہے، حکومت نے خوف میں مبتلا ہوکر عطاتارڑ کو گرفتار کیا۔