کامیاب امن معاہدہ : آذربائیجان اور آرمینیا نے بھی ٹرمپ کو نوبل انعام کے لیے نامزد کر دیا

واشنگٹن ڈی سی:گزشتہ روز امریکی صدر کی ثالثی میں ہونے والےکامیاب امن معاہدے کے بعد آذربائیجان کے صدر الہام علیوف اور آرمینیا کے وزیراعظم نیکول پشینیان نےڈونلڈ ٹرمپ کو نوبل امن انعام کے لیے باضابطہ طور پر نامزد کردیا ہے۔

تفصیلات کے مطابق گزشتہ روز وائٹ ہاؤس میں دستخطی تقریب میں آذربائیجان کے صدر اور آرمینیا کے وزیراعظم نے دہائیوں سے جاری تنازعات کے خاتمے کے لیے ٹرمپ کی ثالثی کو تنازع کے خاتمے کا اہم سبب قرار دیا اور نوبل کمیٹی سے ان کی کوششوں کو تسلیم کرنے کا مطالبہ کیا۔

اس موقع پرآذری صدرالہام علیوف نے کہا کہ اگر صدر ٹرمپ نہیں تو کون نوبل امن انعام کا مستحق ہے؟ جبکہ آرمینیا کے وزیراعظم نے امریکی صدر کو پیش رفت کے پیچھے امن ساز قرار دیا اور کہا کہ امریکی صدر نوبل انعام کے مستحق ہیں۔

صحافیوں سے گفتگو کرتے ٹرمپ نے کہا کہ یہ معاہدہ آرمینیا اور آذربائیجان سے ہر قسم کی لڑائی کو ہمیشہ کے لیے بند کرنے، تجارت، سفر اور سفارتی تعلقات کھولنے اور ایک دوسرے کی خودمختاری اور علاقائی سالمیت کا احترام کرنے کا عہد ہے۔

خیال رہے کہ پاکستان سمیت دنیا کے اہم ممالک نے اس امن معاہدے کا خیر مقدم کیا ہے،عالمی برادری نےاسے مشرقی یورپ میں امن واستحکام کی جانب اہم پیشرفت قراردیا ہے۔

خیال رہے کہ گزشتہ روز کمبوڈین وزیر اعظم نے بھی امریکی صدر ڈونلڈ ٹرمپ کو جنگ بندی معاہدہ کروانے کے بعد نوبل انعام کے لیے نامزد کیا تھا۔

کمبوڈیا اور تھائی لینڈ کے درمیان حال ہی میں کشیدگی عروج کو پہنچی تھی اور 5 روزہ جنگ میں دونوں ممالک کی افواج کے درمیان باقاعدہ طور پر فائرنگ کا تبادلہ ہوا تھا اور شہریوں سمیت دونوں اطراف کے کئی فوجی اہلکار بھی ہلاک ہوگئے تھے۔

تھائی لینڈ اور کمبوڈیا نے ایک دوسرے پر راکٹ برسائے تھے اور فضائی حملے بھی کیے تھے تاہم 5 روزہ جنگ کے بعد 28 جولائی کو جنگ بندی کا اعلان کیا گیا تھا۔

 اس سے قبل پاکستان بھی بھارت کے ساتھ جنگ بندی کرانے پر ٹرمپ کو نوبیل امن انعام کے لیے نامزد کر چکا ہے جب کہ اسرائیل بھی گزشہ ماہ ٹرمپ کو نوبیل امن انعام کے لیے نامزد کر چکا ہے۔ 

جبکہ بعدا ایران اور اسرائیل کے مابین جاری رہنے والی 12 روزہ جنگ جس کا خاتمہ امریکی صدر نے کروایا تھاجس کہ وزیراعظم بینجمن نیتن یاہو نے بھی ٹرمپ کو نوبل کے لیے نامزد کرنے کا اعلان کیا تھا۔

واضح رہے کہ اس سے پہلے پاکستان بھی بھارت کے ساتھ جنگ بندی کرانے پر ٹرمپ کو نوبیل امن انعام کے لیے نامزد کر چکا ہے جب کہ اسرائیل بھی گزشہ ماہ ٹرمپ کو نوبیل امن انعام کے لیے نامزد کر چکا ہے۔ 

جبکہ بعدا ایران اور اسرائیل کے مابین جاری رہنے والی 12 روزہ جنگ جس کا خاتمہ امریکی صدر نے کروایا تھاجس کہ وزیراعظم بینجمن نیتن یاہو نے بھی ٹرمپ کو نوبل کے لیے نامزد کرنے کا اعلان کیا تھا۔