بابوسر ٹاپ: سرچ آپریشن جاری، لاپتا افراد کا تاحال کوئی سراغ نہ مل سکا

گلگت بلتستان حکومت کے ترجمان فیض اللہ فراق کا کہنا ہے کہ شاہراہ بابوسر پر سرچ آپریشن جاری ہے، تاہم تاحال لاپتا افراد کا سراغ نہیں مل سکا۔

ترجمان کے مطابق سرچ آپریشن کے دوران سیلاب سے متاثرہ علاقوں میں بحالی کا عمل تیز کر دیا گیا ہے۔ کئی گاڑیوں کو ملبے سے نکال لیا گیا ہے، لیکن لاپتا افراد کے بارے میں کوئی پیش رفت نہیں ہو سکی۔

فیض اللہ فراق نے مزید بتایا کہ شاہراہ بابوسر اور ملحقہ علاقوں میں مواصلاتی نظام بحال کر دیا گیا ہے، جبکہ بیشتر رابطہ سڑکیں بھی کھول دی گئی ہیں۔

ان کا یہ بھی کہنا تھا کہ وزیراعظم شہباز شریف جلد گلگت بلتستان کا دورہ کریں گے۔