بانی پی ٹی آئی کے ہیپاٹائٹس سے متاثر ہونے کا خدشہ، سپرنٹنڈنٹ اڈیالہ جیل کا بیان سامنے آ گیا

راولپنڈی: اڈیالہ جیل راولپنڈی کے سپرنٹنڈنٹ عبدالغفور انجم کا بانی پی ٹی آئی کے ہیپاٹائٹس سے متاثر ہونے کے خدشے کے حوالے سے اہم بیان سامنے آ گیا۔

تفصیلات کے مطابق ڈیالہ جیل راولپنڈی کے سپرنٹنڈنٹ عبدالغفور انجم نے بانی پی ٹی آئی عمران خان کے بیٹے قاسم خان کے بیان پر رد عمل دیتے ہوئے کہا ہے کہ جیل میں کوئی قیدی ہیپاٹائٹس سے متاثر نہیں ہے۔

 بیان میں سپرنٹنڈنٹ اڈیالہ جیل نے مزیدکہا کہ تمام قیدیوں کا ہیپاٹائٹس بی، سی اور ایچ آئی وی ٹیسٹ کیا جاتا ہے۔

ان کا کہنا تھا کہ اڈیالہ جیل میں حالیہ معائنے میں کوئی مریض ہیپاٹائٹس سے متاثر نہیں، تمام قیدیوں کا میڈیکل چیک اپ روٹین میں کیا جاتا ہے، اگر کوئی قیدی کسی وائرل بیماری میں مبتلا پایا جائے تو اسے باقی قیدیوں سے الگ کیا جاتا ہے، فی الوقت اڈیالہ جیل میں ہیپاٹائٹس سے کوئی قیدی متاثر نہیں۔

سپرنٹنڈنٹ اڈیالہ جیل کا مزید کہنا تھا کہ جیل میں اسپتال مکمل سہولیات کے ساتھ موجود ہے جس میں8 میل اور 2 فی میل ڈاکٹرز موجود ہیں جو جیل کےاسیران کے علاج و معالجے کے لیے کوشاں ہیں۔

خیال رہے کہ بانی پی ٹی آئی کے بیٹے قاسم خان نے حالیہ انٹرویو میں اڈیالہ جیل میں ہیپاٹائٹس سے10 قیدیوں کی اموات کا دعوی کیا تھ۔

اپنے انٹرویو میں قاسم خان نےمزید کہا تھا انہیں خدشہ ہے انکے والد بھی اس بیماری سے متاثر ہوسکتے ہیں۔