سندھ حکومت مزدوروں پر مہربان، ماہانہ اجرت بڑھانے کا اعلان

سندھ حکومت مزدوروں پر مہربان، ماہانہ اجرت کم سے کم 40 ہزار کرنے کا نوٹی فکیشن جاری کر دیا۔

تفصیلات کے مطابق یہ فیصلہ یکم جولائی 2025 سے نافذ العمل ہوگا اور تمام رجسٹرڈ اور غیر رجسٹرڈ صنعتی و تجارتی اداروں پر لاگو ہوگا ۔

نوٹی فکیشن کے مطابق نیم ہنر مند افراد کی اُجرت 41 ہزار 380، ہنر مندوں افراد کی 49 ہزار 628 جبکہ اعلیٰ ہنر مندوں کی اُجرت 51,745 روپے مقرر کی گئی ہے، اس کے علاوہ فی گھنٹہ اُجرت والے مزدوروں کو کم از کم 192 روپے فی گھنٹہ دیے جائیں گے۔

وزیر محنت سندھ شاہد تھہیم نے کہا کہ مرد و خواتین کو بھی برابری کی بنیاد پر اُجرت دی جائے گی اس کے ساتھ حکومت مزدوروں کی فلاح ، مناسب اجرت اور بہتر کام کے ماحول کو یقینی بنانے کے لیے عملی اقدامات کر رہی ہے۔

وزیر محنت سندھ کا کہنا تھا کہ مہنگائی کے دبائو کو کم کرنا اور مزدور طبقے کو با عزت زندگی فراہم کرناحکومت کا اولین مقصد ہے۔ لیبر قوانین پر سختی سے عمل درآمد کرایا جائے گااور صنعتکاروں سے مسلسل رابطے میں رہ کر عمل درآمد کی نگرانی کی جائے گی