معروف اداکارہ مریم نفیس کا سائے یا دھوئیں کی شکل میں جنات دیکھنے کا دعویٰ

ویب ڈیسک: پاکستانی ڈرامہ انڈسٹری کی معروف اداکارہ مریم نفیس نے چند برس قبل کئی مرتبہ جنات دکھائی دینےکا حیران کن انکشاف کیا ہے۔

ایک انٹرویو کے دوران  مریم نفیس نے گفتگو کے دوران بتایا کہ انہیں تین سے چار مرتبہ سائے یا دھوئیں کی شکل میں مخلوقات دکھائی دیں۔  

میزبان کے استفسار کرنے پر انہوں نے بتایا کہ وہ جنات تھے،اس خوفناک تجربے نے ان کے دل میں شدید خوف پیدا کر دیا جو کئی مہینوں تک ان کے ساتھ رہا۔

انہوں نے سنجیدگی سےبتایا کہ چھ سے سات مہینے تک انہیں یہ محسوس ہوتا رہا کہ کوئی ان کے آس پاس موجود ہے اور وہ اکثر خوفزدہ رہتی تھیں۔

اداکارہ کا  مزید کہنا تھاکہ یہاں تک کہ اب بھی جب وہ کراچی میں تنہا مقیم ہیں اور ان کے شوہر امان اچانک کمرے میں آ جائیں تو وہ خوفزدہ ہو جاتی ہیں۔

یاد رہے کہ مریم نفیس نے اپنے کیریئر کا آغاز ڈرامہ ’’دیاردل‘‘سے کیا تھا۔ان کے فنی کیرئیر کے دوران وہ کئی سپر ہٹ پراجیکٹس کا حصہ رہیں اور لاکھوں دلوں پر راج کیا۔

2022 میں مریم نفیس نے امان احمد سے شادی کی تھی اور ان کے شوہر امان نے حال ہی میں بیٹے کو زندگی میں خوش آمدید کہا ہے۔

 مریم بیٹے کی پیدائش کے بعد سے کسی پراجیکٹ میں نظر نہیں آئیں تاہم وہ جلد سکرین پر واپسی کیلئے پُر اُمید ہیں۔