پاپو ایکٹ : پی ٹی آئی کارکنوں کی ضمانتیں منظور،عدالت نے سزا معطل کر دی

اسلام آباد: ڈسٹرکٹ اینڈ سیشن عدالت اسلام آبادنے پاکستان تحریک انصاف ( پی ٹی آئی) کے متعدد کارکنان کو پاپو ایکٹ کے تحت دی گئی 6 ماہ قید کی سزا معطل کرتے ہوئے انہیں ضمانت پر رہا کرنے کا حکم دے دیا ہے۔

تفصیلات کے مطابق اسلام آباد کی سیشن اینڈ ڈسٹرکٹ عدالت میں پاپو ایکٹ میں گرفتار پی ٹی آئی کارکنوں کی سزاؤں کے متعلق کیس کی سماعات ہوئی،کیس کی سماعت جوڈیشل مجسٹریٹ احمد شہزاد گوندل نے کی۔

دوران عدالت نے پی ٹی آئی کارکنان کی سزائیں معطل کر کے انہیں ضمانت پر رہا کرنے کا حکم دے دیا، عدالت نے ملزمان کو 20، 20 ہزار روپے کے مچلکے بھی جمع کروانے کا حکم دیا۔

 پی ٹی آئی کارکنان کی ضمانتیں ضابطہ فوجداری کی دفعہ 382-A کے تحت منظور کی گئیں۔

خیال رہے کہ پی ٹی آئی ورکرز پر تھانہ رمنا میں 2 مقدمات درج ہیں۔

فیصلے کے بعد پی ٹی آئی حامیوں نے عدالت کے باہر خوشی کا اظہار کیا، جبکہ وکلا نے کہا کہ یہ عدالتی حکم انصاف کی جانب ایک مثبت قدم ہے