ایران نے پاکستانی زائرین کے لیے ایرانی ویزا فیس مکمل طور پر مفت کر دی، ڈبل انٹری ویزا کے لیے بھی ویزا فیس مفت کر دی گئی ،محسن نقوی


تہران :وفاقی وزیر داخلہ محسن نقوی نے کہا ہے کہ پاکستان نے ایران کےلیے ہر فورم پر آواز اٹھائی اور ہم ایران کے حق دفاع کی بھرپور حمایت کرتے ہیں۔
ایران کے دارالحکومت تہران میں جاری سہ ملکی کانفرنس سے خطاب کرتے ہوئے وفاقی وزیرداخلہ محسن نقوی نے کانفرنس کے انعقاد کو خوش آئند قرار دیا ہے۔ انہوں نے کہا کہ ایران اور عراق میں موجود پاکستانی زائرین ہمارے لیے نہایت اہمیت رکھتے ہیں اور ان کی سہولت و سلامتی ہماری اولین ترجیح ہے۔
اس موقع پر وزیر داخلہ نے کانفرنس کے انعقاد پر ایران اور عراق کی حکومتوں کا شکریہ ادا کرتے ہوئے ایران کو حالیہ عظیم کامیابی پر مبارکباد پیش کی۔ ان کا کہنا تھا کہ پاکستان نے ایران پر حملے کی کھل کر مذمت کی ہے اور ہم ایران کے دفاعی حق کی مکمل حمایت کرتے ہیں۔
انہوں نے مزید کہا کہ پاکستانی عوام مشکل وقت میں ایرانی عوام کے شانہ بشانہ کھڑے رہے اور آئندہ بھی ایران کے ساتھ کھڑے رہیں گے۔
سہ ملکی کانفرنس سے خطاب میں انھوں نے مزید کہا کہ سفیر ایران امیری ہماری کوششوں کے گواہ ہیں، پاکستان نے ایران کیلئے ہر فورم پر آواز اٹھائی، عراق کو بھی مکمل تعاون کی یقین دہانی کراتے ہیں، زائرین کے معاملے پر صرف رجسٹرڈ گروپس کے ذریعےعمل کیا جائے گا۔
پاکستان،ایران اورعراق کے وزرائے داخلہ کے تہران میں ہونےوالے اجلاس میں پاکستان نے ایران پر اسرائیلی حملے کی کھل کر مذمت کی ،وفاقی وزیرداخلہ محسن نقوی نے تہران میں ہونےوالی سہ ملکی کانفرنس سے خطاب کرتے ہوئے کہاکہ پاکستان نے ایران کی حمایت میں ہر فورم پر آواز اٹھائی ۔
سہ فریقی اجلاس میں اربعین چہلم سید الشہداء ؑ کے موقع پر زائرین کو درپیش مسائل کے حل اور سہولیات کی فراہمی پر تبادلہ خیال کیا گیا،جبکہ اربعین چہلم سید الشہداءؑ کے لئے ایرانی ویزے کا اجراء یکم صفر سے 16 صفر تک جاری رہے گا۔
ایران نے پاکستانی زائرین کے لیے ایرانی ویزا فیس مکمل طور پر مفت کر دی، ڈبل انٹری ویزا کے لیے بھی ویزا فیس مفت کر دی گئی ،اربعین چہلم سید الشہداءؑ پر زائرین کا رجسٹرڈ قافلے/کاروان کے ساتھ ہونا ضروری ہے۔
اربعین چہلم سید الشہداءؑ پر زائرین کے زمینی سفر کے لیے قافلے کے پاس اپنی بس کا انتظام لازمی ہے،عراقی مؤثر ویزا ایرانی ویزے سے پہلے حاصل کرنا ضروری ہے،سفر کی بیمہ انشورنس فیس عام حالات کے مقابلے میں نصف ہوگی۔
وزیر داخلہ نے مزید کہا کہ تہران میں سہ ملکی کانفرنس کا انعقاد خوش آئند ہے ،عراق و ایران آنے والے زائرین اہم ترین ہیں ،آئندہ سال جنوری میں بغیر آرگنائزر گروپ کے کوئی بھی پاکستانی عراق نہیں جا سکے گا ۔

کاروباری ہفتے کے پہلے روزسونا مزید مہنگا ،فی تولہ کتنے کا ہو گیا؟
- 7 گھنٹے قبل

اسحاق ڈارشنگھائی تعاون تنظیم کے وزرائے خارجہ اجلاس میں شرکت کیلئے چین پہنچ گئے
- 3 گھنٹے قبل

چیف جسٹس یحییٰ آفریدی کا غریب سائلین کو مفت قانونی نمائندگی فراہم کرنے کا اعلان
- 4 گھنٹے قبل

معیشت کی ڈیجیٹائزیشن سسٹم میں شفافیت لانا حکومت کی اولین ترجیح ہے، وزیر اعظم
- 2 گھنٹے قبل

جون 2025 کیلئےآئی سی سی پلیئر آف دی منتھ کا ایوارڈ جنوبی افریقی بلے باز ایڈن مارکرم کے نام
- 4 گھنٹے قبل

جنوبی بھارت کی معروف اداکارہ 87 برس کی عمر میں انتقال کر گئیں
- 6 گھنٹے قبل

پنجاب کے لوگوں کی خدمت کو فرض سمجھتی ہوں ،مہنگائی میں کمی کیلئے اقدامات جاری ہیں،مریم نواز
- 5 گھنٹے قبل

معاشی ترقی میں بینکوں کا اہم کردار ہے، نجی شعبے کے قرض میں اضافہ ہونا چاہئے،وزیر خزانہ
- 7 گھنٹے قبل

پی ٹی آئی سے اختلاف کو اختلاف تک رکھ کر تلخیوں کو دور کرنا چاہتا ہوں، سربراہ جے یو آئی
- 4 گھنٹے قبل

محکمہ موسمیات کی ملک بھر میں 15 سے 17 جولائی کے دوران بارشوں اور آندھی طوفان کی پیشگوئی
- 6 گھنٹے قبل

لارڈز ٹیسٹ:انگلینڈ نے سنسنی خیز مقابلے کے بعدبھارت کو بعد 22 رنز سے شکست دے دی
- 2 گھنٹے قبل

حالیہ مون سون بارشوں کے دوران کتنے افراد جاں بحق ہوئے،تفصیلات سامنے آ گئیں
- ایک گھنٹہ قبل