پاکستان ویمن کرکٹ ٹیم کا دورہ زمبابوے ختم،کل وطن واپس روانہ ہو گی

غیر ملکی خبرایجنسی کے مطابق فلائی ایمریٹس نے 13 فروری سے 28 فروری تک ہرارے سے دبئی اپنا فلائٹ آپریشن معطل کرنے کا اعلان کیا ہےاور پاکستان ویمن کرکٹ ٹیم نے21 فروری کو ہرارے سے وطن واپس روانہ ہونا تھا  جس کے بعد زمبابوے کرکٹ اور پاکستان کرکٹ بورڈ(پی سی بی)کی باہمی رضامندی سےپاکستان ویمن کرکٹ ٹیم کا دورہ زمبابوے ختم کر دیا گیا اب پاکستان ویمن ٹیم کل ہرارے سے وطن واپس روانہ ہو گی۔دورہ میں ابھی قومی ویمن ٹیم نے دو ایک روزہ اور تین ٹی ٹونٹی میچز کھیلنا تھے۔

قومی وویمن کرکٹ ٹیم نے زمبابوے دورہ  میں محض ایک ون ڈے میچ کھیلا تھا جس میں قومی ٹیم نے زمبابوے کو شکست دی تھی اور دوسرا میچ  کل کھیلا جانا تھا۔

دوسری جانب مردوں کی  زمبابوے کرکٹ ٹیم  نے افغانستان کے ساتھ سیریز کے لیے 19 فروری کو متحدہ عرب امارات روانہ ہونا ہے جبکہ سیریز کا آغاز یکم مارچ سے ہو گا جبکہ فلائی ایمریٹس کا 13 فروری سے 28 فروری تک فلائٹ آپریشن معطل رہے گا تاہم زمبابوے ٹیم کے پاس ایتھوپین ایئرلائن کی آپشن موجود ہے۔