مسلم لیگ ن کی سینیٹ انتخابات سے متعلق صدارتی ریفرنس خارج کرنے کی استدعا

تفصیلات کے  مطابق مسلم لیگ ن نے تحریری موقف بیرسٹر ظفراللہ کے ذریعے جمع کروا دیا ۔مسلم لیگ ن نے استدعا کی ہے، عدالت قرار دے سینیٹ انتخابات پر آرٹیکل 226 کا اطلاق ہوتا ہے، درخواست میں کہا گیا ہے کہ  حکومت نے ریفرنس دائر کرنے کا صدر مملکت کو غلط مشورہ دیا،ریفرنس پر رائے دینا عدالتی دائرہ اختیار سے تجاوز ہوگا،ریفرنس میں سیاسی نوعیت کا سوال اٹھایا گیا ہے، سینیٹ الیکشن قانون نہیں آئین کے تحت ہوتے ہیں۔

واضح رہے کہ پاکستان پیپلزپارٹی اور جے یو آئی (ف) بھی سینیٹ الیکشن اوپن بیلٹ سے کرانے کی مخالفت کرچکی ہے۔جبکہ وزیر اعظم عمران خان سینیٹ الیکشن اوپن بیلٹ سے کرانا چاہتے ہیں ، جس کے لیے حکومت صدارتی ریفرنس بھی جار ی کرچکی ہے جو سپریم کورٹ آف پاکستان کے فیصلے سے مشروط ہے۔