پاک ترک مشترکہ فوجی مشقیں، اتاترک11 کا آغاز

پاک فوج کے شعبہ تعلقات عامہ (آئی ایس پی آر) کے مطابق  پاکستان اور ترکی کی مشترکہ فوجی مشقیں اتاترک 11 کا آغاز آج سے ہوا ہے، یہ فوجی تربیتی مشقیں 3 ہفتے تک جاری رہیں گی۔   پاک ترک مشترکہ جنگی مشقیں اتاترک 11 کی افتتاحی تقریب اسپیشل سروسز ہیڈکوارٹرز تربیلا میں منعقد کی گئی ہے۔

 آئی ایس پی آر کے مطابق پاکستان کے ایس ایس جی اور ترک اسپیشل فورسز مشقوں میں شریک ہوئے ہیں۔ مشقوں میں کمپاونڈ کلیئرنس، یرغمال افراد کوریسکیوکرنا اورفری فال آپریشن بھی شامل ہے ۔

آئی ایس پی آر کا کہنا ہے کہ مشترکہ فوجی مشقوں سےدونوں برادرانہ ممالک کے تعلقات کو فروغ حاصل ہوگا ، مشقوں سے دونوں ممالک کے فوجی تعاون اورجدید ملٹری رجحانات کوڈھالنے میں مدد ملے گی۔