کے الیکٹرک صارفین کیلئے بجلی مہنگی کرنے کی تیاریاں مکمل

جی این این کے مطابق حکومت نے کراچی والوں پربجلی بم گرانے کی تیاریاںکر لیں، کے الیکٹرک کے بجلی ٹیرف میں 3 روپے 24 پیسے فی یونٹ اضافے کا فیصلہ کیا گیا ہے۔ بجلی کی قیمتوں میں اضافہ فیول پرائس ایڈجسمنٹ کی مد میں کیا جا رہا ہے۔ اضافے کی صورت میں کراچی کے شہریوں پر6ارب روپ کا اضافی بوجھ پڑے گا۔ 

کے الیکٹرک نے گزشتہ 4 ماہ کیلئے اضافہ اور3 ماہ کیلئے کمی کی درخواست کر دی، نیپرا کے الیکٹرک کی درخواست پر23 فروری کو سماعت کرے گی، اس کے علاوہ کے الیکٹرک نے سہ ماہی ایڈجسٹمنٹ کی بھی درخواست کردی، سہ ماہی بنیادوں پرکےالیکڑک ٹیرف میں 3 روپے 80 پیسے فی یونٹ اضافے کا امکان ہے۔ 

کے ‏الیکڑک نے درخواست کی ہے کہ جولائی سے ستمبر2020 کیلئے 1 روپے 92 پیسے فی یونٹ اضافہ کیاجائے، جبکہ اکتوبرسے دسمبر تک1 روپے 87 پیسے فی یونٹ اضافہ کی درخواست کی گئی ہے۔ 

اس کے علاوہ کے الیکڑک نے اپریل سے جون 2020 کیلئے فی یونٹ کمی مانگی ہے، سہ ماہی ایڈجسٹمنٹ کی مد میں 7 ارب 49 کروڑ روپے بوجھ پڑے گا۔