چیئرمین سینیٹ بنوانے میں آصف زرداری کردار ادا کریں گے، عارف حمید بھٹی

جی این این کے پروگرام " خبر ہے " میں گفتگو کرتے ہوئے سینئر صحافی و تجزیہ کار عارف حمید بھٹی نے کہا کہ   سینیٹ میں پاکستان تحریک انصاف  (پی ٹی آئی)  کی اکثریت ہوگی، پی ٹی آئی کی 28 سے29سیٹیں ہوسکتی ہیں۔عارف حمید بھٹی نے کہا کہ چیئرمین سینیٹ  پیپلزپارٹی ، پاکستان مسلم لیگ ن ، اے این پی اور اختر مینگل مل کر بنائیں گے۔

سینیٹ انتخابات۔۔ کون سی پارٹی جیتے گی۔۔؟ جانیئے سینئر تجزیہ کار عارف حمید بھٹی سے@arifhameed15 @saeed_qazi @tahirmalikpak #senateelection @PTIofficial @MediaCellPPP @pmln_org pic.twitter.com/8ymyc5Zogv

— GNN (@gnnhdofficial) February 8, 2021

سینئر صحافی و تجزیہ کار عارف حمید بھٹی کا پروگرام میں کہنا تھا کہ   حکومتی اتحاد  کیلئے چیئرمین سینیٹ بنوانا بہت مشکل ہےکیونکہ حکومت کے ساتھ ، ایم کیو ایم ، مسلم لیگ ق ہے۔یہ بلوچستان عوامی پارٹی کے کچھ لوگوں پر منحصر کرے گا، لیکن میرے خیال میں سابق صدر آصف علی زرداری چیئرمین سینیٹ بنوانے میں کردار ادا کریں گے۔