امتحانات 10 جولائی کے بعد ہونگے ، شفقت محمود

وفاقی وزیر تعلیم شفقت محمود کی زیر صدارت  بین الالصوبائی وزرائے تعلیم کانفرنس کے  اجلاس ختم ہونے کے بعد  پریس کانفرنس  کرتے ہوئے شفقت محمود نے کہا کہ   کورونا وبا کا تعلیم پر بہت منفی اثر ہوا،مشکل حالات میں مشکل فیصلے کرنے پڑے، تعلیمی ادارے بند کرنا آسان فیصلہ نہیں مجبوری کے تحت کرنے پڑے۔

وفاقی وزیر تعلیم شفقت محمود کا کہنا تھا کہ   تعلیمی وزرا نے مل کر دسمبر میں فیصلہ کیا کہ امتحان کے بغیر پروموٹ نہیں کیا جائے گا، سب سے فئیر ٹیسٹ ایکسٹرنل ایگزیمینیشن کا ہے، برطانیہ میں حال ہی میں اسکول گریڈز پر والدین عدالت میں جا رہے ہیں۔

وفاقی وزیر تعلیم نے کہا کہ  طلبا کی اکثریت وہ ہی جو آخری ڈیڑھ دو ماہ میں پڑھتے ہیں۔  امتحانات کا نہ لینا مطلب جو تھوڑی سی پڑھائی ہونی بھی تھی وہ بھی نہیں ہو گی، تعلیمی ضیاع سے بچنے کے لیے امتحان ضرور لینے کا فیصلہ کیا ہے۔کیمبرج امتحان کے دوران کورونا وبا کی شدت میں اضافہ ہو گیا تھا،  او لیویل کے بچوں کے لیے کیمبرج جولائی میں خصوصی امتحان لے گا۔

وزیر تعلیم شفقت محمود  نے کہا کہ   ہر حال میں نویں، دسویں ،گیارہویں اور بارہویں کے امتحانات ہوں گے، طالبعلموں نے شکایات کی ہیں کہ ان کی پڑھائی اسکول بند ہونے کی وجہ سے نہیں صحیح ہو سکی ، ہم نے ان کی شکایات پر غور کیا ہے اور  ہم نے طلبہ کی شکایات کو مد نظر رکھتے ہوئے اہم تبدیلیاں کی ہیں ، 9، 10 ویں کا امتحانات اختیاری  مضامین اور حساب  میں ہو گا۔  11 ویں کا امتحان صرف اختیاری مضامین میں سے ہو گا اور باقی مضامین کے امتحانات نہیں لیے جائے گے ۔انہوں نے کہا کہ  10 جولائی کے بعد تمام امتحانات لینے کا فیصلہ کیا ہے، پہلے امتحانات 24 جون سے شروع ہونے تھے۔

شفقت محمود کا کہنا تھا کہ انہوں نے کہا کہ امتحانی عملے کے لئے کورونا ویکسی نیشن کرانا لازمی قرار دی گئی ہے، اولیو ل کے خصوصی امتحان 26جولائی سے شروع ہوں گے۔بورڈز کو یہ بھی کہا ہے کہ ایک پرچے اور دوسرے پرچے میں تھوڑا سا وقفہ رکھا جائے، چاہتے ہیں کہ ستمبر کے تیسرے ہفتے تک امتحانات کے نتائج آ جائیں، تاکہ طلبا کے لیے داخلہ آسان ہو سکے۔