مشکوک ٹرانزیکشن کیس میں آصف زرداری کی مستقل ضمانت منظور

اسلام آبادہائیکورٹ میں 8 اعشاریہ 3 ارب کی مشکوک ٹرانزیکشن کیس میں آصف زرداری کی درخواست ضمانت پر سماعت ہوئی،سابق صدر کے وکیل فاروق ایچ نائیک نے دلائل دیتے ہوئے کہاکہ ہم صرف میڈیکل گراؤنڈ پر ضمانت کی درخواست پر دلائل دیں گے،بنیادی طورپر ہماری درخواست ضمانت میڈیکل گراؤنڈ پر ہے، فاروق ایچ نائیک نے کہاکہ ایک سال میں ایک دفعہ بھی آصف زرداری نہیں بلایاگیا۔مجھے یاد ہے کہ کیس انکوائری سٹیج پر ہے۔ 

عدالت نے نیب پراسیکوٹر سے استفسار کیا کہ میڈیکل رپورٹس کے مطابق آپکا کوئی اعتراض ہے؟ میڈیکل بورڈ کی رائے کو آپ فیک تو نہیں کہہ رہے، جیسے پہلے لوگ کہہ رہے تھے، قانون یہ ہے کہ جس کو طبی بنیادوں پر ضمانت دی جائے ٹھیک ہونے پر اسے آنا ہوتا ہے، اگر پہلے کیس میں چارج ثابت نہیں ہوا تو اس میں چارج ثابت نہیں ہوگی۔ اسلام آباد ہائی کورٹ نے طبی بنیادوں پر آصف زرداری کی درخواست ضمانت منظورکرلی اورنیب کوآصف زرداری کی گرفتاری سے روک دیا۔