سپریم کورٹ کا ارکان اسمبلی کو ترقیاتی فنڈز دینے کا نوٹس

جی این این کے مطابق جسٹس قاضی فائز عیسیٰ نے اٹارنی جنرل سے استفسار کیا کہ کیا وزیراعظم کا ارکان اسمبلی کو فنڈ دینے دیناآئین قانون کے مطابق ہے ؟،ترقیاتی فنڈز قانون ،آئین اور عدالتی فیصلے کے مطابق ہیں تومعاملہ بند کردیں گے ۔

جسٹس قاضی فائز عیسیٰ نے ریمارکس دیئے کہ اٹارنی جنرل حکومت سے ہدایات لے کرعدالت کو آگاہ کریں ،ترقیاتی فنڈز آئین کے مطابق نہ ہوئے تو کارروائی ہوگی ،عدالتی کارروائی پر بنچ کیلئے معاملہ چیف جسٹس کو ارسال ہوگا۔

اٹارنی جنرل نے کہاکہ حکومت سے ہدایات لے کرعدالت کو آگاہ کروں گا،جوبھی کام ہوگا قانون ،آئین اورعدالتی فیصلوں کی روشنی میں ہوگا،جسٹس قاضی فائز عیسیٰ کی سربراہی میں دو رکنی بنچ نے سماعت بدھ تک ملتوی کردی۔واضح رہے کہ وزیراعظم عمران خان نے ارکان اسمبلی سے ملاقات میں 50 ،50 کروڑ کے فنڈز دینے کااعلان کیاتھا۔