پاکستان میں کورونا کی پہلی ویکسین لگا دی گئی

تفصیلات کے مطابق  وزیر اعظم عمران خان نے پاکستان مین کورونا ویکسی نیشن مہم کا آغا زکردیا۔وزیر اعظم عمران خان نے خطاب میں کہا کہ چائنہ کا شکریہ جس نے ہمیں جلد ویکسین فراہم کیں، چائنہ نے پاکستان کو 5لاکھ ویکسین ڈوزز فراہم کیں ہیں۔

وزیر اعظم عمران خان نے کہا کہ  ویکسین سب سے پہلے ہیلتھ ورکرز کو لگیں گی، ویکسین کو منصفانہ انداز سے صوبوں میں تقسیم کیا گیا ہے، میں تمام ہیلتھ ورکرز کو کہوں گا کہ آپکے لیے ویکسین لگوانا زیادہ ضروری ہے،ماسک پہننے اور ایس او پیز پر عمل کرنے سے کورونا کا پھیلاؤ کم ہوگا۔

وزیر اعظم نے کہا کہ  امریکا میں 4لاکھ اور برطانیہ میں 1لاکھ سے زائد اموات کورونا کی وجہ سے ہوئی ہیں، پاکستان کے حالات ابھی بہتر ہیں۔

گزشتہ روز  چین سے کورونا ویکسین لانے والا خصوصی طیارہ اسلام آباد پہنچا تھا۔ چین کی جانب سے پاکستان کو  کورونا ویکسین سائنوفارم کی 5 لاکھ ڈوزز تحفے میں دی  گئیں ہیں۔

واضح رہے کہ ڈر گ ریگولیٹری اتھارٹی آف پاکستان  نے ملک میں بڑے پیمانے پر استعمال کے لئے تین کورونا وائرس ویکسینز کی منظوری دے دی ہوئی ہے۔ ویکسینز میں روسی اسپتنک 5 ، آکسفورڈ – آسٹرا زینیکا اور چین کی سائنوفارم شامل ہیں۔