لاڑکانہ ،ٹریکٹرٹرالی اور موٹرسائیکل میں تصادم،خاتون جاں بحق

جی این این کے مطابق انتہائی  افسوسناک واقعہ سندھ   کے ضلع  لاڑکانہ  میں   بائی پاس    کے قریب پیش آیا۔جہاں  ٹریکٹر ٹرالی نے موٹرسائیکل کو ٹکر ماردی ،جس کے نتیجے میں نئی نویلی دلہن   موقع پر دم توڑ گئی جبکہ دلہا زخمی ہوگیا ۔ دلہن کا تعلق نصیرآباد سے ہے۔حادثے کی اطلاع ملنے پر پولیس اور امدادی ٹیمیں موقع پر پہنچ گئیں ۔ جوڑے کی    تین روز قبل شادی ہوئی تھی اور دونوں  لاڑکانہ دعوت کھانے کے بعد واپس جا رہےتھے ۔  پولیس نے کارروائی کرتے ہوئے  ڈرائیور کو گرفتار کرلیا ہے ۔