نوشہرہ: وفاقی وزیر دفاع پرویز خٹک نے دعوی ٰ کیا ہے کہ اگر وہ چاہیں تو ایک دن میں عمران خان کی حکومت گراسکتے ہیں ۔

تفصیلات کے مطابق وفاقی وزیر دفاع پرویز خٹک نے نوشہرہ میں انتخابی جلسے سے خطاب کرتے ہوئے کہا ہے کہ اگر میں چاہوں تو ایک دن میں عمران خان کی حکومت گراسکتا ہوں، لیکن مجھ پر عمران خان کے احسانات ہیں۔ان کا کہنا تھا کہ آج سارے پاکستان سے میں مقابلہ کر سکتا ہوں۔ اپوزیشن والے میری عزت کرتے ہیں، نوشہرہ کے صوبائی اسمبلی کے ضمنی الیکشن میں میرے امیدوار کے مقابلے میں تمام اپوزیشن جماعتیں اور میرے رشتےداراکٹھے ہو گئے ہیں۔ لیکن ان سب کو ایک ساتھ گراؤں گا ۔
پرویزخٹک کا مزید کہنا تھا کہ میں جب وزیراعلیٰ تھا تو اپنے رشتے داروں کو بھرتیوں اور ترقیاتی کاموں کے اختیارات دئیے ، جن کو میں اختیارات دیتا ہوں وہ آ سمان پر پہنچ جاتے ہیں، اورواپس لوں تو وہی لوگ صفر ہو جاتے ہیں ۔
واضح رہے کہ صوبائی اسمبلی کے حلقے پی کے-63 نوشہرہ (کے پی) میں ضمنی انتخابات 19 فروری کو ہورہے ہیں ۔ الیکشن کمیشن نے سندھ کی تین اور بلوچستان، پنجاب اور خیبر پختونخوا اسمبلی کی ایک، ایک صوبائی نشست جبکہ قومی اسمبلی کے لیے پنجاب اور خیبر پختونخوا میں ایک، ایک نشست پر ضمنی انتخابات کا اعلان کررکھا ہے ۔
دوسری جانب اس بیان کے بعد پرویز خٹک نے سماجی رابطے کی ویب سائٹ ٹوئٹر پر ایک طرح کا وضاحتی پیغام بھی کیا ہے ۔ ٹوئٹ میں پرویز خٹک کاکہنا تھا کہ نوشہرہ میں میرے گاؤں کے مقامی لوگوں سے خطاب میں واضح ذکر کیا کہ میں عمران خان کا مخلص اور احسان مند ہوں۔ ہماری کوششوں اور عمران خان کی حمایت سے ہم ہر علاقے میں کامیاب ہیں اور ہم ضمنی انتخاب کے لیے ہمارے حمایت یافتہ امیدوار کے مقابلے میں کھڑے ہونے والی تمام اپوزیشن جماعتوں کو شکست دیں گے۔
Clearly mentioned in my speech for the locals of my village in Nowshera that I’m sincere & indebted to Imran Khan.We are successful in our const. due to our efforts & support of IK. We will defeat all opp. parties ganged up against the candidate we are supporting for the by-elec.
— Pervez Khattak (@PervezKhattakPK) January 31, 2021
خیال رہے کہ پرویز خٹک موجودہ وزیر دفاع کے منصب پر فرائض انجام دے رہے ہیں اور ان کاشمار ان وزرا میں ہوتا ہے جن کا عمران خان کی حکومت کے دوران منصب تبدیل نہیں ہوا ہے ۔پرویز خٹک تحریک انصاف کی خیبرپختونخوا حکومت میں صوبے کے کے وزیراعلیٰ بھی رہ چکے ہیں ۔
وزارت مذہبی امور نے حج پروازوں کا شیڈول جاری کر دیا
- 2 days ago

پاکستان نے جنگ بندی کیلئے امریکی تجاویز ایران کے حوالے کردیں
- 2 days ago
ابوظبی: میزائل کا ملبہ گرنے سے پاکستانی شہری سمیت مزید 2 افراد جاں بحق
- 14 hours ago
ذاتی انتقام اور قومی غداری: پاکستان کی GSP+ حیثیت ختم کروانے کی کوشش کھلی معاشی تخریب کاری ہے
- a day ago

محمد باقر ذوالقدرعلی لاریجانی کی جگہ ایران کے نئے سیکیورٹی چیف مقرر،ایرانی میڈیا کی تصدیق
- 3 days ago
پی ایس ایل 11 افتتاحی میچ: لاہور قلندرز کا حیدرآباد کنگز مین کو جیت کیلئے 200 رنز کا ہدف
- 14 hours ago

وزیراعظم کا سعودی عرب کے ساتھ مکمل اظہار یکجہتی اور غیر متزلزل حمایت کا اعادہ
- 2 days ago
ڈرون حملہ: کویت ایئرپورٹ کے فیول ٹینک میں آگ بھڑک اٹھی
- 2 days ago

امریکا اور ایران کی رضامندی سے پاکستان مذاکرات کی میزبانی کیلئے تیار ہے، وزیر اعظم
- 3 days ago

پاکستان خطے میں کشیدگی میں کمی کیلئے فعال کردار ادا کرتا رہے گا، دفترخارجہ
- 16 hours ago
پی آئی اے اسلام آباد اورلاہور سے لندن ہیتھرو کے لیے براہِ راست پروازیں کب سے شروع کر رہی؟
- 19 hours ago

پاکستان میں سونے کے نرخ میں آج پھر بڑا اضافہ
- 2 days ago




.webp&w=3840&q=75)



