سوات ، شہر کوصاف ستھرا رکھنے کی مہم کا آغاز

تفصیلات کے مطابق دس روزہ  مہم کا آغاز  مینگورہ سٹی اور سیدو شریف کی گلیوں اور نالوں  کی صفائی  سے کیا گیا ۔ اس موقع پر ما لاکنڈ کے کمشنر  ظہیرالاسلام اور واٹر اینڈ سیینیٹیشن سروس کمپنی سوات کے چیف ایگزیکٹو آفیسر (سی ای او) نے شہریوں سے بات کرتے ہوئے کہا کہ اسلام نے صفائی  اور پاکیزگی پر بہت زیادہ زور دیا ہے۔ کمشنر مالاکنڈ کاکہنا تھا کہ  "صفائی ستھرائی کو ایمان کا ایک لازمی جز و  قرار دیا گیا ہے اور کسی بھی معاشرے  میں اس کی اہمیت کو نظرانداز نہیں کیا جاسکتا " ۔

عوام میں آگاہی بیدار کرنے کیلئے ریجنل فارسٹ آفس سے کمشنر آفس تک واک بھی  کی گئی ۔اس مہم کا مقصد فرد ، برادری  ، اسکولوں اور کاروباری  طبقے میں  گلیوں کو صاف ستھرا رکھنے کے لئے اجتماعی ذمہ داری  کااحساس دلوانا ہے ۔

نمائندہ جی این این : شہزادنوید