آن لائن امتحان کیلئے طلباء کا احتجاج، ایچ ای سی کا بڑا فیصلہ

تفصیلات کے مطابق  ہائیر ایجوکیشن کمیشن (ایچ ای سی ) نے تمام یونیورسٹیز کو آن لائن امتحانات کی ہدایت کر دی ہے،  ایچ ای سی نے تمام یونیورسٹیز کو آن لائن امتحانات سے متعلق ایس او پیز پر سختی سے عملدرآمد کی ہدایت کر دی۔

خیال رہے کہ طلباء کئی روز سے آن لائن امتحان لینے کیلئے سراپا احتجاج تھے ، ان کا مطالبہ تھا کہ جب یونیورسٹیوں نے آن لائن پڑھایا ہے تو  امتحان بھی آن لائن لیا جائے،مطالبات منظور کروانے کیلئے طلباء   لاہور ، اسلام آباد اور فیصل آباد کی سڑکوں پر آگئے تھے،لاہور کے علاقے خیابان جناح  میں  طلباء کا پرتشدد احتجاج، طلباء  نے نجی یونیورسٹی کے گیٹ پر ڈنڈے اور پتھر مار کر گیٹ توڑ دیا۔سیکیورٹی گارڈ کے لاٹھی چارج کے باعث 7 طلباء زخمی ہوگئے تھے، جن کو جناح اسپتال منتقل کردیا گیا تھا ، اسلام آباد میں طلباء نے ہائر ایجوکیشن کمیشن (ایچ ای سی) کے سامنے دھرنا دے دیا تھا۔