ملک بھر میں مہنگائی کا جن بے قابو ، غریب عوام چیخ اٹھی

جی این این کے مطابق مہنگائی نے غریب عوام کا جینا دو بھر کر دیا ،گوجرانوالہ میں چکن کی قیمت کو پر لگ گئے، مرغی کا گوشت تین روز میں چالیس روپے مہنگا ہوکر 270روپے کلو تک پہنچ گیا،فیصل آباد میں بھی  چکن کی قیمت بڑھ کر 274روپے فی کلو ہوگئی ۔

چینی کی قیمت بھی سنچری کی جانب گامزن ہے ، لاہور کے بازاروں میں چینی  95روپے کلو میں دستیاب ہے،100 گرام مصالحے کے پیکٹ  میں 50سے 60روپے کا اضافہ ہوگیا۔کراچی میں بھی اشیا  خورونوش کی قیمتیں بے لگام ہیں۔ملتان میں بھی مہنگائی  روز برروز  بڑھ رہی ہے، چینی کی بوری میں دو سو روپے اضافہ ہوگیا  جس  کے بعد  قیمت 92 روپے تک پہنچ گئی۔

دوسری جانب حکومتی ریلیف صرف دعوؤں تک محدود ہے اور پرائس کنٹرول کمیٹیاں بھی  خاموش تماشائی بنی ہوئی ہیں۔شہریوں کا کہنا ہے کہ حکومت مہنگائی کنٹرول کرنے میں ناکام ہوچکی ہے۔