کراچی ٹیسٹ : دوسرے روز قومی ٹیم کی محتاط انداز میں بیٹنگ جاری

نیشنل اسٹیڈیم کراچی میں کھیلے جارہے پاکستان اور ساؤتھ افریقہ کے مابین ٹیسٹ میچ کے دوسرے دن کا کھیل شروع ہو گیا جنوبی افریقہ کے پہلی اننگز میں 220 رنز کے جواب میں پاکستانی بلے بازو کی پرانی روایت برقرار ہے ، ٹیسٹ میچ کے دوسرے دن کھیل کا آغاز ہوا تو پاکستان نے 33 رنز 4 کھلاڑی آؤٹ پر اپنی پہلی اننگز کا دوبارہ آغاز کیا، اظہر علی اور فواد عالم 5،5 کے انفرادی اسکور پر کریز پر موجود تھے اور پاکستان کو اننگز کا خسارہ پورا کرنے کے لیے 187 درکار تھے۔تاہم اظہر علی اور فواد عالم صورت حال کو دیکھتے ہوئے محتاط انداز میں بیٹنگ کر رہے ہیں۔

اس سے قبل ٹیسٹ میچ کے پہلے روز جنوبی افریقہ نے ٹاس جیت کر پہلے بیٹنگ کا فیصلہ کیا تھا لیکن پروٹیز خلاف توقع بڑا اسکور کرنے میں ناکام رہے، جنوبی افریقہ  کی پوری ٹیم 220 رنز پر ڈھیر ہوگئی ۔ پاکستان کی جانب سے اسپنرز یاسر شاہ نے رنز دے کر 3 جب کہ ڈیبیو کرنے والے نعمان علی اور شاہین شاہ آفریدی نے 2،2 وکٹیں حاصل کیں۔220 رنز کے جواب میں پاکستانی کھلاڑی بھی زیادہ دیر وکٹ پر نہ ٹھہر سکے اور صرف 33 کے مجموعی اسکور پر پاکستان کے 4 کھلاڑی پویلین لوٹ گئے۔ عابد علی 4 ، عمران بٹ 9، بابر اعظم 7 اور نائٹ واچ مین شاہین آفریدی بغیر کوئی رن بنائے پویلین لوٹ گئے تھے۔