قومی بچت کی اسکیموں پرشرح منافع میں اضافہ

تفصیلات  کے مطابق ڈیفنس سیونگزسرٹیفیکٹس پرشرح منافع 9.42 سے بڑھاکر 9.51 فیصد کردیا گیا ہے  جب کہ اسپیشل سیونگ سرٹیفکیٹس پر شرح منافع کو 7.97 فیصد سے بڑھاکر8.40 فیصد کیا گیا ہے۔   ریگولر انکم سرٹیفکیٹس پر شرح منافع 9  فیصد پر برقرار ہے جبکہ بہبود، پینشنرز اور شہدا ویلفیئرسرٹیفکیٹس پرشرح منافع  11.28 فیصد برقرار رہے گا۔

ذرائع کے مطابق تین ماہ کے سیونگز سرٹیفکٹس پر شرح منافع 6.76 فیصد سے 6.80 فیصد کردیا گیا ہے۔ اسی طرح 6 ماہ کے سیونگز سرٹیفکیٹس پر شرح منافع 6.82 فیصد سے بڑھا کر 7.00 فیصد کردیا گیا۔ ایک سال کے سیونگز سرٹیفکٹس پر شرح منافع 6.92 فیصد سے بڑھاکر 7.35 فیصد کردیا گیا ہے۔ نوٹیفکیشن کے مطابق شرح منافع کا اطلاق 3 مارچ سے ہوگا۔