کاہنہ میں گھر کی چھت گرنے سے ماں بیٹا جاں بحق

تفصیلات کے مطابق ایک سرکاری اسکول  میں قائم کوارٹر کی چھت اچانک گرگئی ، جس کے نتیجے میں خاندان کے چھ افرادملبے تلے دب  گئے ۔واقعے کے بعد قریبی مکانات میں رہائش پذیر افرادنے  اپنی مدد آپ کے تحت امدادی کارروائی  کاآغازکیا ۔ بعدازاں ریسکیو کی  ٹیمیں بھی اطلاع ملنے کے بعد جائے حادثہ  پرپہنچ گئیں اور ملبے سے ماں اور بیٹے  کی لاشیں نکال لیں ۔ ریسکیو ٹیم نے ملبے تلے دبے دیگر تین  افراد کو تشویشناک حالت میں قریبی اسپتال منتقل کردیا۔

جاں بحق ہونے والوں کی شناخت بشریٰ بی بی اور ان کے بیٹے رحمان کے نام سے ہوئی ہے۔لاشوں کو ورثاء کے حوالے کردیا گیا ہے ۔