نئی گاڑیوں کی فروخت پر کتنا ٹیکس لگے گا، نیا صدارتی آرڈیننس جاری

تفصیلات کے مطابق  نئی گاڑیوں کی تین ماہ میں فروخت پر 2 لاکھ روپے ٹیکس لگے گا، نیا صدارتی آرڈیننس جاری کردیا گیا۔ایک ہزار سی سی تک گاڑیوں پر 50 ہزار، 2 ہزار سی سی پر ایک لاکھ ٹیکس لگے گا،دو ہزار سی سی سے اوپر کی گاڑیوں پر 2 لاکھ ٹیکس لگے گا۔

 ذرائع وزارت صنعت کے مطابق   بینکنگ سیکٹر پر 4 فیصد سپر ٹیکس کی میں بھی توسیع کردی، کھاد ڈیلرز پر ودہولڈنگ ٹیکس اور برقی گاڑیوں پر کسٹم ڈیوٹی اور سیلز ٹیکس میں کمی کردی گئی ہے، کاٹن جنرز کو بھی نئے آرڈیننس کے تحت مراعات دی گئی ہیں۔ تفصیلات کے مطابق نیا پاکستان سرٹیفکیٹ پر بھی مراعات دی گئی ہیں، ان سرٹیفکیٹس میں ڈالر میں سرمایہ کاری پر حکومت تین ماہ میں ساڑھے 7 شرح منافع دے گی، پانچ سال کیلئے شرح منافع کو سات فیصد کردیا گیا ہے، روپے کی سرمایہ کاری کی شرح سود ساڑھے 9 سے گیارہ فیصد رکھی گئی ہے۔ پراپرٹی کی خریدوفروخت پر ٹیکس کی شرح مالیت کا 2 فیصد ہوگا۔