گلوکارہ ماریہ میر نے لیجنڈ گائیک استاد حامد علی خاں کی شاگردی اختیار کر لی

عبدالسلام علی سے

 لاہور: گلوکارہ ماریہ میر نے پٹیالہ گھرانے کے گائیک استاد حامد علی خان کی شاگردی اختیار کرلی۔

امریکا کے نجی دورے کے موقع پر ماریہ میر نے گلوکار حامد علی خان کی باقاعدہ گنڈا بند شاگرد ہو گئیں۔

ماریہ میر نے کہا کہ آج کا دن ان کے موسیقی کے سفر میں ایک انتہائی خاص اور ناقابلِ فراموش لمحہ ہے، کیونکہ مجھے عظیم استاد حامد علی خان  کا شاگرد بننے کا شرف حاصل ہوا ہے۔

پٹیالہ گھرانے کے ایسے معزز اور ماہرِ فن استاد کی شاگردی اختیار کرنا محض ایک اعزاز ہی نہیں، بلکہ ایک نعمت اور ایک بڑی ذمہ داری بھی ہے۔

ماریہ میر نے کہا کہ  اپنے موسیقی کے سفر کے اس خوبصورت نئے باب کا آغاز کرتے ہوئے میں انتہائی عاجزی، شکر گزاری اور فخر محسوس کر رہی ہوں۔