لاہور: لام فیشن ویک کا آغاز، شوبز ستاروں کی ماڈلز کے ہمراہ ریمپ پر واک

عبدالسلام علی سے 

لاہور: لاہور میں رنگا رنگ فیشن ویک کا آغاز ہو گیا پہلے روز معروف ڈیزائنرز کے تیار کردہ ملبوسات زیب تن کیے ماڈلز نے کیٹ واک کی، مغربی طرز کے ملبوسات توجہ کا مرکز رہے۔

ایکسپو سینٹر لاہور میں چار روزہ فیشن ویک کے پہلے روز ابھرتے ہوئے ڈیزائنرز نے خوبصورت ملبوسات پیش کیے جسے ماڈلز کی کیٹ واک نے مزید حسین بنا دیا۔ 

مغربی طرز کے ملبوسات زیب تن کیے ماڈلز ریمپ پر جلوہ گر ہوئیں تو شو کو چار چاند لگ گئے۔

معروف فیشن ڈیزائنر ایچ ایس وائے اور دیگر نے کہا کہ ملکی فیشن انڈسٹری اپنا خاص مقام رکھتی ہے شو کا مقصد نئے ٹیلنٹ کی حوصلہ افزائی ہے۔

رنگا رنگ فیشن شو کے دوسرے روز برائیڈل اور مشرقی ملبوسات پیش کیے جائیں گے شو 26 اکتوبر تک جاری رہے گا۔