ڈالرکے مقابلے میں روپے کی قدر میں اضافہ

تفصیلا ت کے مطابق  پاکستان کی کرنسی مارکیٹ آج بند رہی، آنے والے دنوں میں ، گرین بیک کے مقابلہ میں پاکستانی روپیہ قدرے مضبوط ہونے کی توقع ہے۔ یہ تبدیلی بنیادی طور پر روشن ڈیجیٹل اکاؤنٹ (آر ڈی اے) کے تحت ترسیلات زر میں اضافے اور بانڈز میں آنے والی سرمایہ کاری کی وجہ سے ہوگی۔ پاکستان کو پانچ ماہ میں روشن ڈیجیٹل اکاؤنٹ ( آر ڈی اے)  کے توسط سے بیرون ملک مقیم پاکستانیوں سے 480 ملین ڈالر سے زیادہ کی رقم ملی ہے۔

جمعہ کے روز مارکیٹ بند ہونے کے ساتھ ہی روپے کی قیمت 159 روپے کی سطح کو توڑ کر ڈالر کے مقابلے 158.82 پر بند ہوئی۔ایک  ہفتے کے دوران مجموعی طور پر روپے کی قدر 0.46% بڑھی۔

جبکہ ، مرکزی بینک کے زرمبادلہ کے ذخائر میں ہفتہ وار بنیادوں پر 82 ملین ڈالر کمی سے  12.949 بلین ڈالر رہ گئی ہے۔ کرنٹ اکاؤنٹ میں دسمبر 2020 میں 622 ملین ڈالر کا خسارہ ہوا ہے۔