پاک فوج نے جنوبی وزیرستان میں خودکش حملہ ناکام بنا دیا

جنوبی وزیرستان کے علاقے اعظم ورسک میں پاک فوج کی چوکی پر خوارج کے ناکام خودکش حملے میں سات شہری زخمی ہوگئے۔

تفصیلات کے مطابق خوارج بارود سے بھری گاڑی میں فوجی چوکی پر حملہ کرنے آئے۔ تاہم پاک فوج کے چاق وچوبند دستے کی بروقت کارروائی کے باعث گاڑی ہدف تک پہنچنے سے پہلے ہی تباہ کردی گئی ۔

خودکش حملہ آور اور گاڑی کوچوکی سے فاصلے پر نشانہ بنانے سے نہ صرف بڑے جانی نقصان سے بچا ئوہوا بلکہ حملہ آور خوارج بھی ہلاک ہو گئے۔

حملے میں زخمی ہونے والے شہریوں کو واناکے ضلعی صدرمقام ہسپتال منتقل کر دیا گیا ہے۔