دورہ لاہور کے بعدسہیل آفریدی نے کراچی جانے کااعلان کردیا

پشاور: خیبر پختونخوا کے وزیراعلیٰ لاہور میںتین دن گزارنے کے بعد اب عمران خان کا پیغام لے کر سندھ جانے کی تیاری کر رہے ہیں۔ 

تفصیلات کے مطابق وزیر اعلی سہیل آفریدی نے اپنے ایک بیان مین کہا، عمران خان کا پیغام لے کر  آرہا ہوں، کراچی  اور سندھ تیار رہے۔

بیان میں سہیل آفریدی نے لاہور سے واپس جانے کے فوراً بعد ہی یہ بتایا تھا کہ وہ اب سندھ  بھی جائیں گے۔ آج انہوں نے اپنے اس اعلان کا اعادہ کیا اور  بتایا کہ وہ 9 جنوری کو سندھ کا دورہ شروع کرین گے۔  

خیال رہے کہ سہیل آفریدی نے چند روز قبل لاہور کا تین روزہ دورہ کیا تھا اور اب انہوں نے کراچی و سندھ کے دورے کا اعلان کیا ہے۔ 

وزیر اعلی سہیل آفریدی نے کراچی جانے کی تاریخ کا اعلان سوشل پلیٹ فارم ایکس پر ایک پوسٹ میں کیا۔ تاہم اس پوسٹ میں یہ نہیں بتایا کہ وہ کراچی کے ساتھ سندھ کے کن شہروں میں جائیں گے اور وہاں کتنے دن رہیں گے،جبکہ دورہ پنجاب کے دوران وہ تین دن لاہور میں گزار کر یہیں سے موٹر وے کے راستے واپس چلے گئے تھے۔