کراچی: پاک عمان بحریہ کی دوطرفہ جنگی مشق ثمرالطیب اختتام پزیر

بحری جہازوں الراسخ اور الشناس پر مشتمل عمان کی بحریہ کے بیڑے نے 12ویں دوطرفہ مشق ثمر الطیب 2025ء میں شرکت کیلئے کراچی کا دورہ کیا۔

اس مشق کا مقصد سمندری تحفظ میں تعاون کو مستحکم کرنا اور پاکستان اورعمان کے درمیان دیرینہ دوستی کو مضبوط بنانا ہے۔

بحری مشق ثمر الطیب مشترکہ طور پر سیکھنے اور پیشہ ورانہ صلاحیت میں اضافے کیلئے ایک اہم پلیٹ فارم ہے۔

دورے کے دوران دونوں ممالک کی بحریہ کے اہلکاروںنے پیشہ ورانہ بات چیت جنگی مذاکروں اور سمندری شعبہ کے متعدد امور میں تجربات کا تبادلہ کیا۔