جب تک اپنی غلطیوں کا اعتراف نہیں کرتے تب تک معاملات آگے نہیں بڑھیں گے،وزیر قانون

اسلام آباد:وفاقی وزیر قانون اعظم نذیر تارڑ نے کہا ہے کہ جب تک اپنی غلطیوں کا اعتراف نہیں کریں گے اس وقت تک معاملات آگے نہیں بڑھیں گے۔

قومی اسمبلی اجلاس کے دوران اظہار خیال کرتے ہوئےوفاقی وزیر قانون اعظم نذیر تارڑ نے کہا کہ دنیا سے جانے والوں کو اچھے الفاظ میں یاد کیا جاتا ہے، ہم سب کو اپنی غلطیوں کا ادراک کرنا چاہیے۔ لیکن اب سیاست میں ایسا وقت آ گیا کہ ایک دوسرے سے ملنے سے ڈر لگتا ہے۔

انہوں نے کہا کہ سیاستدانوں نے ایک دوسرے کے ساتھ بیٹھنا ختم کر دیا ہے۔ حالانکہ شہباز شریف جب اپوزیشن لیڈر تھے اس وقت بھی ہاتھ بڑھایا۔ اور وزیر اعظم نے آج بھی اپوزیشن کو مذاکرات کی دعوت دی۔

اعظم نذیر تارڑ نے کہا کہ نفرت میں اتنا آگے چلے گئے ہیں کہ آج ایک ساتھ بیٹھ بھی نہیں سکتے۔ خواجہ آصف نے ٹھیک کہا ہم نے سیاست میں بہت نفرتیں پیدا کر دی ہیں۔
 
اعظم نذیر تاڑرڑ نے کہا کہ ہم بھی نعرے لگاتے اور پیپر پھاڑتے رہے مگر انہوں نے ریکارڈ توڑ دیئے۔ یہ نظام آپس میں مل بیٹھنے سے ہی ٹھیک ہو گا،ان کا مزیدکہنا تھا کہ جب تک اپنی غلطیوں کا اعتراف نہیں کریں گے۔ اس وقت تک معاملات آگے نہیں بڑھیں گے۔ ہم ایک دوسرے کا گریبان پکڑیں گے اور بات نہیں کریں گے تو معاملات ایسے ہی چلتے رہیں گے۔

قومی اسمبلی اجلاس سے میں اظہار خیال کرتے ہوئے وزیر قانون نے کہا کہ اربعین زائرین کے بذریعہ سڑک سفر پر پابندی مستقل نہیں بلکہ کچھ ہفتوں یا دنوں کے لیے ہے۔ اور سیکیورٹی کی صورتحال بہتر کرنے کے بعد یہ پابندی ہٹائی جائے گی۔ زائرین کو سہولیات کی فراہمی حکومت کی اولین ترجیح ہے۔