پشاور : صوبائی محکمہ داخلہ نے پی او آر کارڈ کے حامل شہریوں کو واپس جانے کی ہدایت کر دی

پشاور: محکمہ داخلہ خیبر پختونخوا نے پی او آر کارڈ ہولڈر افغان شہریوں کو واپس جانے کی ہدایت کر دی،جبکہ عارضی پناہ لینے والے کارڈ ہولڈرز کو پشاور و لنڈی کوتل ٹرانزٹ پوائنٹ پہنچنے کی ہدایت کی گئی ہے۔

تفصیلات کے مطابق صوبائی محکمہ داخلہ نے یہ فیصلہ وفاقی حکومت کی جانب سےجاری کردہ ہدایات کی روشنی میں کیا۔

صوبائی محکمہ داخلہ نے اعلامیہ جاری کیا ہے، اعلامیہ کے مطابق 31 جولائی کو پی او آر کارڈ ہولڈر افغان شہریوں کی واپسی کا فیصلہ کیا تھا۔

جاری کر دہ اعلامیہ کے مطابق پی او آر کارڈ ہولڈر کی مدت 30 جون 2025 کو ختم ہو چکی ہے، اس کے بعد پاسپورٹ اور ویزا نہ رکھنے والے افغانیوں کا پاکستان میں قیام درست نہیں ہے۔

صوبائی محکمہ داخلہ کے مطابق 30 جون سے پاکستان میں مقیم افغان شہری غیر قانونی مقیم تصور کیے جائیں گے۔