امریکہ :نیویارک میں مسلح شخص کی فائرنگ سے پولیس افسر سمیت 5 افراد جاں بحق،متعدد زخمی

نیویارک:امریکی ریاست نیویارک میں ایک نامعلوم مسلح شخص کی فائرنگ سے پولیس افسر سمیت 5 افراد جاں بحق جبکہ متعددزخمی ہو گئے۔

غیر ملکی خبرایجنسی کے مطابق فائرنگ کا واقعہ نیویارک شہرمیں مڈٹاؤن مین ہٹن میں پیش آیا،جہاں مسلح شخص نےفائرنگ کرکے پولیس افسر دیدار الاسلام سمیت 5 افراد کو ہلاک کر دیا،جبکہ باقی 3 مرنے والوں میں سے 2 خواتین تھیں۔

پولیس کے مطابق مسلح شخص نے فائرنگ کرنے کے بعد خود کو گولی مار کر اپنی جان لے لی۔

پولیس کی جانب سے مزید بتایا گیا کہ فائرنگ سے جاں بحق پولیس اہلکار کا تعلق بنگلہ دیش سے تھا،جبکہ 27سالہ حملہ آور لاس ویگاس کا رہائشی تھا۔
حکام کاکہنا ہےکہ حملہ آورکی شناخت شین تامورا کےنام سےہوئی ہے،حملہ آور نےتنہاحملہ کیا،وہ رائفل لے کرعمارت کی لابی میں داخل ہوا جہاں پولیس اہلکار سے فائرنگ کا تبادلہ ہوا۔

خیال رہےکہ امریکا میں رواں سال فائرنگ سے اجتماعی اموات کا 254  واں واقع ہے۔